ဖိတ်ခေါ်ပါသည် တို့ဌာနီ

လာခဲ့ပါလေ   ပဲခူးမြေမှ
ဖော်ရွေဆန္ဒ   နှလုံးလှဖြင့်
တဖွဖွနော်   ကြိုဖိတ်ခေါ်သည်
ရွှင်ပျော်မေ့ဘဲ   ဘဝင်စွဲ  ။
ထင်ပေါ်၍လည်း  လာချင်မြဲ  ။

တို့ဆွေသဟာ   ရောက်ခဲ့ပါက
ဟံသာဝတီ   ရွှေခေတ်ပြည်၏
သာဒီကမ္ဘောဇ  ခံ့ထည်လှသော
ရာဇစံပျော်  မင်းနန်းတော်နှင့်
သာယာတင့်ဟန်   လိပ်ပြာကန်နှင့်
အားသန်စီးလစ်   ပဲခူးမြစ်နှင့်
သွင်သစ်လေ့လာ  ပျော်စရာ  ။
ရင်နှစ်မွေ့စွာ   ဖော်သဟာ  ။

ထိုမှတစ်ဖန်   ဖူးမျှော်ရန်တွက်
လက်ချင်းဆက်လို့   လှမ်းထွက်ပါသော်
စိန်သာလျောင်းမည်   ရုပ်ပွားဆီမှ
ကြည်ရွှင်စုရုံး   ဟင်္သာကုန်းသို့
အပြုံးချင်းဆုံ   ညွတ်အာရုံနှင့်
ကြာမုံလက်ညီ   ရုပ်သိမ်းချီလျက်
ခန္တီတန်ဆောင်း   အရိပ်ကောင်းမှ
နှောင်းခေတ်ပြန်ပြော   ရွှေမော်ဓောတွင်
သောကမတွေ့  ပါစေကြောင်း   ။
သြချမမေ့   ဌာနေကောင်း   ။

ဖူးရဦးမည်   ကလျာဏီနှင့်
လေးလီရုပ်ပွါး   မတ်ရပ်များနှင့်
နှစ်ပါးမြ ရွှေ   သာလျောင်းတွေနှင့်
မွေတော်ကိန်းရာ   ခံ့ထည်ဝါသည့်
မဟာစေတီ   ဆုပန်ရည်ပြီး
ပြန်လည်မနှေး  ရွှေဂူလေးမှ
ငြိမ်းအေးလျှံဖြိုး
ကိုးသိ်းန်းကိုးသန်း  ပုထိုးတန်းတွင်
အဆန်းတကြယ်   နွမ်းလျပြယ်မည်
ပြန့်ကြွယ်အလှ  ဖြာတအား   ။
အံ့ဖွယ်ခဏ   ပါတကား   ။

ထပ်၍ပို့ညွှန်   ဖူးရမွန်ပေါ့
ကျိုက်ပွန်လေးဆူ   မြတ်ရွှေဂူကြီး
တစ်ဆက်တည်းဗျ   ဗုဒ္ဓဂယာ
သတ္တဌာဟု   သာစွအတူ
ကြည်ညိုသူပေါ   အနောက်တောတွင်
ပေါ်လွင်နည်းငြား   စေတီများလျင်
များပြားရှိသေး   ဖူးချင်သေးက
မနှေးပို့မည်   စိတ်တွင်ရည်   ။
အတွေးတို့ဆီ   ဖိတ်ချင်သည်   ။


                                                    ခရုလိုလူနှင့်အခြားကဗျာများမှ
                                                                ဟိန်းစံ ( ပဲခူး )