ကိုယ်စားဘဝ ပီတိမျှမည်

( ၁ )

ဓမ္မာရုံမုခ်ဝကဆိုင်းဘုတ်ဟာ  ဖွားမေလက်ထဲမှာကိုင်ထားတဲ့ဖိနပ်လေးကို  လွတ်ကျစေခဲ့တယ်။ ဖွားမေဘဝမှာ  ဘယ်တော့မှမရနိုင်တော့ဘူးလို့ထင်ထားတဲ့ စာလုံးပေါင်းသတ်ပုံအောက်မှာ  မိနစ်အတော်ကြာငေးနေမိတဲ့အထိပေါ့။  ဒီနေ့ ဒီအသင်းရဲ့ နှစ်ပတ်လည်ပွဲနေ့ဆိုတာလည်း  ဖွားမေကြိုသိထားတယ်။ ပြီးခဲ့တဲ့လပထမအပတ်က  လစဉ်ထောက်ပံ့ကြေးလာကန်တော့သွားတဲ့  သားသမီးတွေပြောသွားကြလို့လေ။ ဒါပေမယ့် အခုလောက် တခမ်းတနားဖြစ်နေမယ်လို့တော့  ဖွားမေထင်မထားဘူး ။ ဒီအတွေးက  ဖွားမေရင်ထဲက အတွေးအမှန်ပါ  ။

             ဖွားမေက  ဒီအသင်းရဲ့စောင့်ရှောက်ခံ အဘွားဖြစ်ခွင့်ရတာလည်း  မကြာသေးပါဘူး။ ရှိလှ ရက်ပေါင်းခြောက်ဆယ်စွန်းစွန်းပေါ့။ ဒီအသင်းစည်းစနစ်ရှိပုံလေးလည်း  ဖွားမေချီးကျူးနေမိတယ်။ ဖွားမေကို စောင့်ရှောက်ခံ  အဘွားတစ်ဦးအဖြစ်  တရားဝင်သတ်မှတ်နိုင်ဖို့  လာပြီးတွေ့ကြတဲ့ နေ့ကဆို  ကလေးတွေ ဖွားမေတဲကိုတော်တော်ရှာလိုက်ရတယ်လို့ပြောတယ်။ ဖွားမေလေ ကလေးတွေစကားကိုကြားတော့  အားနာလိုက်တာ  ။

            ကလေးတွေက ဖွားမေကိုတွေ့တော့ “ အဖွားဒေါ်တင်မေဟုတ်ပါသလား ”လို့မေးတယ် ။ “ဟုတ်”ပါတယ် ”လို့ ဖွားမေဖြေတော့  သမီးကဘယ်သူပါ။ သားကဘယ်သူပါနဲ့  အဲသလိုလေးတွေမိတ်ဆက်ကြတာ။ ပြီးတော့မှ  သူတို့တွေက ဒီအသင်းရဲ့  ကွင်းဆင်းအဖွဲ့လို့ထပ်ပြောတော့  ဖွားမေဖြင့် အံ့သြမိတာ အကြိမ်ကြိမ်ကိုဖြစ်လို့  ။

            ဟုတ်တယ်။ ဖွားမေ  ဒီကလေးတွေနဲ့မတွေ့ခင်  မိနစ်ပိုင်းအထိ  ဖွားမေကို တကူးတကလာရှာသူရယ်လို့   ဖွားမေတစ်သက်  ရှိမှမရှိဖူးခဲ့တာကိုး။  ဖွားမေကို  ဒီအသင်းသိသွားပုံကလည်း  အဆန်းသား။ ဖွားမေနေတဲ့ရပ်ကွက်နဲ့  တစ်ရပ်ကွက်ခြားတဲ့ ရပ်ကွက်ထဲက  ကလေးတစ်ဦးပေါ့။ အဲဒီကလေးက  ဒီအသင်းရဲ့အဖွဲ့ဝင်တဲ့လေ။ အဲဒီကလေးကပဲ အင်တာနက်ကနေ  ဒီအသင်းဆီအကြောင်းကြားပေးခဲ့တာလို့ပြောတယ်။ ဖွားမေဖြင့် အဲကလေးကိုတွေ့ချင်လိုက်တာ  လွန်ရော။ ဒါပေမယ့် အဲကလေးကပါမလာခဲ့ဘူး။ ဒီအသင်းရဲ့ ပရဟိတကိစ္စတစ်ခုနဲ့  နယ်ရောက်နေတာလို့ တော့သိလိုက်ရတယ် ။

အဲ့ဒီနေ့ကဆို  ကွင်းဆင်းလာတဲ့ကလေးတွေက  သူတို့အသင်းရဲ့ စည်းမျဉ်းစံနှုန်းတွေအတိုင်း  ဖွားမေကို  မေးကြတယ်။ အသက်ကဘယ်လောက်  တစ်ကိုယ်တည်းရုန်းကန်ခဲ့ရတာကဘယ်လို  စတဲ့ဖွားမေဘဝရပ်တည်ခဲ့ပုံတွေကို  အရောင်အသွေးကင်းကင်း  ပြန်ဖြေပေးခဲ့တယ်  ။

ကလေးတွေကမေး  ဖွားမေကဖြေနဲ့  တီဗွီတွေထဲကလို  အင်တာဗျူးရိုက်နေသလားလို့တောင် တွေးမိသေးတယ်။

            ကွင်းဆင်းအဖွဲ့ပြောသွားတဲ့အထဲမှာ  ဒီအသင်းရဲ့လစဉ်အစည်းဝေးကျရင်  ဖွားမေအတွက်  အကောင်းဆုံး ဆုံးဖြတ်နိုင်ဖို့  တင်ပြဆွေးနွေးသွားမယ်ဆိုတာလည်းပါတယ်။ ဖွားမေကလည်း ဒီအသင်းရဲ့ ကိုယ်စားဘိုးဘွားဖြစ်ခွင့်ရဖို့  ကူပြီးဆုတောင်းပေးပါလို့လည်းမှာခဲ့ကြတယ်။

အင်း  နောက်တစ်ခုရှိသေးတယ်။ ဒီအသင်းက အဖွဲ့ဝင်တွေဟာ  မြန်မာပြည်ကပဲမဟုတ်ကြဘူးတဲ့။  စင်္ကာပူ  မလေးရှားစတဲ့  အခြားနိုင်ငံတွေမှာလည်း  အများကြီးရှိသေးတယ်ဆိုပဲ ။ ကလေးတွေပြောပြလို့  ဒီအသင်းရဲ့အင်အားနဲ့  လုပ်ဆောင်မှုတွေကို  ဖွားမေ တလေးတစားဖြစ်ရတယ် ။ ဖွားမေတို့လို  သစ်ခြောက်တစ်ပင်တည်းအဖြစ်နဲ့  နေဝင်ရမယ့်ဘဝမှာ  ဒီအသင်းက  အရောင်အသွေးစုံတဲ့ငှက်တစ်အုပ်အဖြစ်  ဆေးစက်ကျလာတာမဟုတ်လား   ။
............................................................................................................................................
                                                                   ( ၂ )

ဒီအသင်းရဲ့ ယာယီရိပ်သာလေးရှေ့အရောက် ဖွားမေရင်ထဲတစ်မျိုးပဲ။ ဝမ်းသာတာလိုလို အားပြည့်လာတာလိုလိုနဲ့။ အတွေးတစ်ခုကလည်း  ရုတ်ချည်းဝင်လာသေးတာ  ။
ဖွားမေတို့နိုင်ငံမှာ  ဆွံ့အနားမကြားကျောင်းတို့  မျက်မမြင်ကျောင်းတို့  မိဘမဲ့ဂေဟာတို့ရှိတယ်လေ။ အဲသလိုမျိုးပေါ့ ။ ခု ဖွားမေရောက်လာတဲ့  ဒီယာယီရိပ်သာလေးက  ခိုကိုးရာမရှိကျောထောက်နောက်ခံမဲ့ သက်ကြီးရွယ်အိုများဂေဟာလို့တောင်  ခေါ်ရင်ရနိုင်တယ်။ ဖွားမေ  ဒီအသင်းရဲ့ယာယီရိပ်သာလေးကိုရောက်တော့ ။ ကိုယ်စားဘိုးဘွားဖြစ်ပြီး နှစ်ပတ်လောက်ပဲရှိသေးတယ်။

ဖွားမေအရင်နေတဲ့ တဲကလေးရဲ့ခြံရှင်က  ခြံရောင်းတော့မယ်အကြောင်းကြားလို့  ဒီအသင်းရဲ့  တာဝန်ရှိသူတွေက  ဖွားမေကို  ဒီရိပ်သာလေးမှာ  ပြောင်းပေးခဲ့ကြတာ။ ဒီရိပ်သာလေးရောက်မှ  ဖွားမေ အိုဇာတာညံ့တယ်ဆိုတဲ့ဘဝက  ကွင်းလုံးကျွတ်လွတ်တယ်လို့ဆိုရမယ် ။ ခုဆို ဖွားမေတစ်ယောက်တည်းမဟုတ်တော့ဘူး။ အထီးကျန်မဆန်တော့ဘူး ။ ကျန်းမာရေးနဲ့ နေ့ဖို့ညစာလို  ကြောင့်ကြတွေလည်း  ပိန်းကြာဖက်မှာတင်တဲ့ရေလိုပဲ  လျောကျသွားတာများ ရှင်းလို့  ။

            ဒီရိပ်သာလေးမှာ  ဖွားမေတို့လို  ဘဝတူအဖွားသုံးလေးယောက်ရှိတယ်။ ဖွားအေးစိန်ဆိုတာကတော့ ဖွားမေနဲ့စကားလက်စုံအကျဆုံးပေါ့ ။ တွေ့စဆုံစဆိုပေမယ့်အဖွားတွေက  တစ်ဦးနဲ့တစ်ဦး  သိပ်ရင်းနှီးကြတယ်။ ဖေးဖေးမမရှိကြတယ်။ တစ်ခါတစ်ခါ  ဘဝရဲ့ရှေးဟောင်းနှောင်းဖြစ်တွေကိုပြောဖြစ်ကြသလို  တစ်ခါတစ်ခါတရားကြောင်းပြောရင်း  သံဝေဂတွေကူးဆက် ဆင်ခြင်မိကြတယ်။ ဖွားမေထက်အရင်  ဒီအသင်းမှာစောင့်ရှောက်ထားတဲ့  ဘိုးဘွားတွေလည်းရှိကြသေးတယ်။ အချို့လည်းဆုံးသွားကြပြီ။ အချို့လည်း သူတို့နေမြဲနေရာလေးတွေမှာ  အကြောင်းအမျိုးမျိုးကြောင့်  နေနေကြသေးတယ်။ အရင်နေကြတဲ့နေရာမှာ  အဆင်မပြေတဲ့ဘိုးဘွားတွေကိုတော့  ဖွားမေတို့လိုပဲ  အဆင်ပြေရာမှာ ဒီအသင်းက  တာဝန်ယူရွှေ့ပြောင်းပေးထားကြတယ်  ။

            ဒီအသင်းရဲ့  ကိုယ်ပိုင်ဘိုးဘွားရိပ်သာလည်း  ဆောက်ဦးမှာတဲ့။ လောလောဆယ်မြေဝယ်ထားပြီး  ပြည်တွင်းပြည်ပအဖွဲ့ဝင်တွေ  အားကြိုးမာန်တက်  ကြိုးစားနေကြတယ်လို့ကြားတယ်။ မြန်မြန်အောင်မြင်ပါစေ၊ ဖြူဖြူစင်စင်အားပေးသူတွေ  အများကြီးပေါ်ပါစေလို့  ဖွားမေဘုရားရှိခိုးတိုင်းဆုတောင်းမိတယ်။ ဒါမှ  ဖွားမေတို့လို  အစောင့်ရှောက်မဲ့  စွန့်ပစ်ခံဘိုးဘွားတွေ  တရားနဲ့ခေါင်းချခွင့်ရကြမယ်လေ ။ ဖွားမေကအဲသလိုဆုတောင်းဖြစ်တယ်လို့ပြောရင်  ဖွားအေးစိန်က တော်တောင်းတဲ့ဆုတွေကပြည့်ကိုပြည့်ဦးမှာပါတော်လို့ ပြန်ပြောတတ်တာ  ။

ဖွားအေးစိန်ဆိုတာ ဒီအသင်းနဲ့ပတ်သတ်ပြီး ဖွားမေအတွက်မှတ်တမ်းစာအုပ်ကြီးတစ်အုပ်လိုပါပဲ  ။
            ဒီအသင်းက  ကလေးတွေဟာ  စောင့်ရှောက်ခံဘိုးဘွားတွေဆီ လစဉ်ဘယ်လိုထောက်ပံ့သွားကြတာ။ ဘိုးဘွားတွေထံရောက်ရင်လည်း  ဘယ်လိုခြေဆုပ်လက်နယ်ပြုတာ။ သဘာဝဘေးဒဏ်ကျရောက်တဲ့နေရာတွေမှာ လှူကြတော့ဘယ်ပုံ စတဲ့အကြောင်းတွေကို  လုံးစေ့ပတ်စေ့ပြောပြတတ်တာ။

သီတင်းကျွတ်ရင်  ဝါကျွတ်ကန်တော့ပွဲလုပ်ကြတာလည်းပြောတယ်။ ပြီးတော့ တန်ခူးလမှာ အသင်းက ကလေးအချို့ သာသနာ့ဘောင်ဝင်ကြတော့  ကိုယ်စားဘိုးဘွားတွေအဖြစ်နဲ့ ကလေးတွေရဲ့မိဘရင်းတွေနဲ့တလှည့်စီ  ဆံခံခွင့်ရကြတာတဲ့။ တရားနာတော့လည်း  ရေစက်ချခွင့်ရကြပြန်သေးတယ်တဲ့လေ ။

မွေးစားခံ ဘိုးဘွားတွေဆိုပေမယ့်  ဘိုးဘွားရင်းနဲ့မခြား  နွေးထွေးချစ်ခင်ကြတယ်ဆိုတာလည်းပါသေးတယ်။ ဖွားအေးစိန်ပြောတာတွေနားထောင်ပြီး  ဖွားမေကြည်နူးလိုက်တာအရမ်းပဲ  ။
ဖွားမေတို့ရဲ့  နဂိုဘဝအတိုင်းဆို  သီတင်းကျွတ်လာကန်တော့မယ့်သူဆိုတာ  ခပ်ဝါးဝါးကလေးတောင်  စိတ်ကူးမယဉ်ဖူးတဲ့ကိစ္စ။ ကိုယ်တိုင်လှူဒါန်းပြီး  သာသနာ့ဘောင်ဝင်မယ့်သားမြေးတွေကို  ဆံခံခွင့်ရဖို့ တရားနာ  ရေစက်ချခွင့်ရဖို့ဆိုတာကလည်း အိပ်မက်ထဲမှာတောင်  ကံကောင်းနိုင်မယ့်  ထီလတ်မှတ်မျိုးမှမဟုတ်တာ ။
...............................................................................................................................................

                                                     ( ၃ )
            ဖွားမေတို့ကိုကြိုလာတဲ့  ကားကြီးပေါ်မှာ  နေရာအသီးသီးက ကျန်းမာရေးကောင်းတဲ့  စောင့်ရှောက်ခံဘိုးဘွားတွေလည်းပါတယ်။ အချို့ဆို ဝှီးချဲလို့ခေါ်တဲ့  လက်တွန်းလှည်းလေးတွေနဲ့ ။ သိပ်မကြာခင် နှစ်ပတ်လည်ပွဲကျင်းပတဲ့နေရာကိုရောက်မယ်လို့တော့  ဖွားအေးစိန်ကပြောတယ် ။ အဲကျရင်တော့  ဖွားမေမမြင်ဖူးသေးတဲ့  ပြည်တွင်းပြည်ပကအဖွဲ့ဝင်သားသမီးတွေနဲ့လည်း  ဆုံရမယ်။ ပြီးတော့ဖိတ်ကြားထားတဲ့ဧည့်သည်တော်ကြီးတွေ  မီဒီယာဆိုတာတွေကိုလည်း  မြင်ဖူးရဦးမှာ  ။

            ဟော  တွေ့ပြီ ။ “ကိုယ်စားဘိုးဘွားများကိုဦးထိပ်ထား၍ သက်ကြီးရွယ်အိုစောင့်ရှောက်ရေးနှင့်ထောက်ပံ့ရေးအသင်း နှစ်ပတ်လည်ပွဲ” တဲ့။ ဖွားမေတို့ကိုကြိုလာတဲ့ ကားကြီးပေါ်ကအဆင်း  မြင်လိုက်ရတဲ့ဓမ္မာရုံမုခ်ဝက ဆိုင်းဘုတ်ကြီးရဲ့  စာလုံးတွေ  ။

ဖွားမေလေ  ဒီဆိုင်းဘုတ်ကြီးကိုအကြိမ်ကြိမ်ဖတ်ပြီး  အားတွေလည်းမနည်းဖြစ်ရတယ် ။ ဖွားမေနဲ့ဘဝတူ  ဘိုးဘွားတွေမှာ  သားသမီးဝတ်ငါးပါးနဲ့ပြည့်စုံတဲ့  သားသမီးတွေကိုရကြရပြီလေ။ ဖွားမေပျော်လိုက်တာ ။ ပျော်လွန်းလို့ကျလုလုမျက်ရည်ကို  မနည်းထိန်းနေရတယ်။ ဒါတောင်  ဖွားမေသတိတစ်ချက်အလွတ်မှာမျက်ရည်က  ပါးပေါ်ကိုလိမ့်ခနဲပဲ  ။

            “ ဖွားမေ  တော်ကဒီမုခ်ပေါက်မှာ ဘာရပ်လုပ်နေတာလဲ။ ကျုပ်ဖြင့် ကားပေါ်ကဆင်းပြီးတည်းက  ဓမ္မာရုံထဲမှာရှာလိုက်ရတာမောလို့ ။ လာလာပွဲကစတော့မယ် ။ ဓမ္မာရုံထဲဝင်ကြစို့ ။”
            ဖွားအေးစိန်ရယ်လေ  ပြောလည်းပြော လက်ကလည်းဆွဲခေါ်သွားတာများ၊ ဖွားမေဒရွတ်တိုက်ပါသွားလားမှတ်ရတယ်။ ဟုတ်ပါရဲ့။ ဓမ္မာရုံထဲမှာ  ပင့်သံဃာတွေလည်းစုံနေပြီ။ ဧည့်ပရိတ်သတ်တွေလည်းပြည့်လို့ ။

အစီအစဉ်ကြေငြာသူကလည်းကြေငြာနေပြီ။ အခမ်းအနားကို နှစ်ပိုင်းခွဲကျင်းပမှာဆိုတာလည်း ကြားလိုက်တယ်။ ဖွားမေထိုင်ပြီးမကြာဘူး  အခမ်းအနားစတယ်။ ဘုရားအမှုးရှိတဲ့သံဃာတော်များထံမှ သီလခံယူကြပြီး ဒီအသင်းနှစ်ပတ်လည်ပွဲကုသိုလ်အဖြစ်  လှူဖွယ်တွေဆက်ကပ်ကြတယ် ။

ဖွားမေတို့ကိုယ်တိုင်လည်းကပ်ကြရတယ်  ။
တရားနာရေစက်ချတော့လည်း  ဖွားမေတို့ပါရေစက်ချကြရတာလေ။ ရေစက်ခွက်ကိုင်ထားတဲ့  ဖွားမေလက်တွေဆို  သိသိသာသာတုန်လို့ ။ ဒါကို ကပ်လျက်ထိုင်နေတဲ့ ဖွားအေးစိန်က  တံတောင်ဆစ်နဲ့ဖြေးဖြေးတိုက်လို့သတိပေးတယ်။

မျက်ရည်တွေကလည်း  ရေစက်ဗန်းထဲတပေါက်ပေါက်ကျသလို  နှပ်ရှုံ့သံသဲ့သဲ့ထွက်တော့ဖွားအေးစိန်က  လက်တစ်ဖက်နဲ့သာသာတို့လို့  သတိပေးပြန်တယ်။ အဲလို  ခဏခဏသတိပေးနေတဲ့  ဖွားအေးစိန်ကိုလည်း  ဖွားမေ  အားနာမိပါရဲ့။  တရားနာရေစက်ချပြီးတော့  သံဃာတော်များကိုဆွမ်းကပ်တယ်။ သံဃာတော်များပြန်ကြွတော့  ပရိတ်သတ်ပေါ့။ ပရိတ်သတ်ကိုဧည့်ခံကျွေးမွေးတာလည်း  အလျံအပယ်ပဲ။ ထမင်းလိုက်သူ ဟင်းလိုက်သူတွေနဲ့ မျက်စိပသာဒကိုဖြစ်လို့  ။

             ဧည့်ခံကျွေးမွေးချိန်ပြီးတော့  နှစ်ပတ်လည်ပွဲအစီအစဉ် ဒုတိယပိုင်းပြန်စတယ် ။ ဒီအပိုင်းမှာဖွားမေတို့က  ကန်တော့ခံပေါ့။ အမှတ်စဉ်တွေနဲ့အတူ  အမည်တွေကြေငြာတော့  ဖွားမေတို့ကလက်လေးတွေပြလို့မိတ်ဆက်ကြရတယ်။ နှစ်ပတ်လည်ပွဲကိုလာကြတဲ့  အလှူရှင်တွေနဲ့  ဒီအသင်းရဲ့အဖွဲ့ဝင်သားသမီးတွေက  ကန်တော့ကြတာလေ။

 ကန်တော့တဲ့လှူရန်ပစ္စည်းတွေဆိုတာလည်းအစုံပဲ ။ ပိုက်ဆံပါတယ် ။ အိင်္ကျီ လုံချည်ပါတယ် ။
            ဆေးတွေမုန့်တွေဆိုတာ  အများကြီးမှအများကြီး။ ဖွားမေတို့ကို ထိခြင်းငါးပါးနဲ့ကန်တော့တာလည်းခံယူရတယ်။ လှူဖွယ်တွေလက်ခံပြီးမှာ ဖွားမေတို့က  တစ်လှည့်ဆုတောင်းမေတ္တာတွေ  ပြန်ပေးခဲ့ကြသေးတယ် ။

နှစ်ပတ်လည်ပွဲအစီအစဉ်တွေဆက်တော့  အလှူရှင်တွေကို   ဂုဏ်ပြုလတ်မှတ်တွေပေးတာပါတယ်။ သာဓုသံတွေဆိုတာ စာတွေထဲကလိုဘဝဂ်ထိညံလောက်တယ်။ ပရဟိတထူးချွန်သူတွေကိုလည်း ဂုဏ်ပြုဆုတွေချီးမြှင့်တော့ လက်ခုပ်သံတွေဆိုတာ  တဖြောင်းဖြောင်းပေါ့ ။  ဖွားမေလေ  ဝမ်းသာလွန်းလို့  မျက်ရည်တွေလည်လာပြန်သေးတယ်  ။

နှစ်ပတ်လည်ပွဲရဲ့ နောက်ဆုံးအစီအစဉ်အဖြစ် အမှတ်တရဓါတ်ပုံတွေရိုက်ကြတော့ ဖွားမေတို့က ကုးလားထိုင်တွေနဲ့ထိုင်တယ်။  အဖွဲ့ဝင်သားသမီးအချို့က  ဖွားမေတို့နောက်မှာ  မတ်တပ်ရပ်ကြသလို အချို့ကဖွားမေတို့ရှေမှာထိုင်ကြတယ်  ။

ဖွားမေမျက်ဝန်းမှာ မျက်ရည်တွေပြည့်လာပြန်တယ်။ ဘယ်ညာနှစ်ဘက်ကဘိုးဘွားတွေကိုကြည့်မိတော့ သူတို့မျက်ဝန်းတွေမှာလည်း မျက်ရည်တွေစိုနေကြတယ် ။
ဖွားမေကို  ခဏခဏသတိပေးတတ်တဲ့  ဖွားအေးစိန်တစ်ယောက်လည်း  ကင်မရာမီးတွေတဖျပ်ဖျပ်အောက်မှာ  လက်ကိုင်ပုဝါတစ်ထည်နဲ့  စီးကျလာတဲ့မျက်ရည်တွေကို  တို့တို့ပြီးသုတ်လို့ပေါ့    ။


                                                                                                    ဟိန်းစံ ( ပဲခူး )